KÆRULEYSI GÆTI KOSTAÐ SLYS.

Löggan í Reykjavík hefur ákveðið að fylgjast með stefnuljósanotkun

í eina viku í borginni. 

Lögreglan muni verða sýnilegri á götum og gatnamótum og fylgjast með

því að fólk noti stefnuljós.

Að nota ekki stefnuljós valdi bæði óþægindum og jafnvel slysum í

umferðinni.  Þess vegna sé lögð áhersla á að nota stefnuljós.

En hví í ósköpunum er ég að blogga um þetta. Jú oftar en ekki

virðast ökumenn hér í Vestmannaeyjum vera fjarskalega latir að

nota stefnuljós, mér og sjálfsagt öðrum til óþæginda.

Þess vegna hvet ég alla hér í Eyjum að taka sér tak á þessu svíði og

ekki væri það verra, að lögreglan hér hjá okkur væru einnig

svolítið sýnilegri á götum bæjarins af og til. 

 

 

 

Fylgst verður með notkun stefnuljósa

Athugasemdir

[Guðrún Emilía Guðnadóttir, 11.3.2008 kl. 13:49]

Ég hvet alla landsmenn til að taka upp betri umferðarmenningu,
nota stefnuljós og stoppa fyrir gangandi vegfarendum, sér í lagi að huga að börnunum á morgnana er þau litlu skinnin eru að fara í skólann.
                                      Kveðja Milla.

[Sigmar Þór Sveinbjörnsson, 11.3.2008 kl. 15:42]

Heill og sall er sammála ter med stefnuljósin, en gaman ad tessari mynd Keli, madur verdur nú ad fara á nedid ad kíkja á bloggvinina

Kvedja frá Kanarí

[Guðjón H Finnbogason, 11.3.2008 kl. 16:02]

Sæl og blessuð öll sömul. Hægt er að seigja betra seint en aldrei.

[Guðjón H Finnbogason, 11.3.2008 kl. 16:05]

Hann er flottur þessi bíll.Er þetta Haukur á Reykjum sem situr í honum.

[Ásthildur Cesil Þórðardóttir, 11.3.2008 kl. 19:01]

Þessu er ég sammála, sumir ökumenn vita ekki til hvers stefnuljósin eru.

[Þorkell Sigurjónsson, 11.3.2008 kl. 19:34]

Sæl og blessuð bloggvinir.  Satt að segja veit maður ekki Guðrún mín hvort hvatning dugar, en það má samt reyna.

Sigmar.  Það hlaut að vera að þú værir fjarri þar sem lítið hefur verið um að vera hjá þér á bloggsíðunni þinni. Það getur líka verið gott að taka sér smá hvíld. 

Guðjón. Nei maðurinn undir stýri á þessum nýja vörubíl sem tekin var árið 1962 að mig minnir, er faðir minn Sigurjón Sigurðsson bílstjóri og oft kenndur við Landakot hér í Vestm.eyjum. Bróðir minn situr honum við hlið, Viktor, en ég er myndatökumaðurinn.  Bíllinn er sérlega glæsilegur og var gulur að lit.

Ásthildur. Það er því miður sorglegt og rétt hjá þér og maður veltir því stundum fyrir sér hvort menn hafi yfirleitt  tekið ökupróf, eða fengið það úr kornflekspakka.  En reynum að vera kát og með því kveð ég ykkur.