VOR Í LOFTI.

Í dag lá leið mín inn í   "Skýli" við Friðarhöfn og ætlunin að taka bensín á

bílinn minn.

Þegar ég svo stóð við dæluna og dældi rándýru eldsneytinu var það

ekki hugsunin hjá mér, heldur að þarna í nokkra metra fjarlægð

eru Skiphellar og þar er mikið af fýl og ritu, sem létu vel í sér heyra,

enda þrír dagar síðan að fuglinn settist þar upp í bjargið.

- Þarna undir Skiphellum fórum við peyjarnir oft til að skylmast og voru

þar margir hildarleikirnir háðir en það er önnur saga.
 

Meðan ég stóð þarna í ylnum frá sólinni og hlustaði á garg fýlsins og

 ritunnar heillaður af flugfimi þeirra við bjargið þá kom yfir mig sú

tilfinning,  að nú væri vorið komið.

Við hér í Vestmannaeyjum gerum okkur kannski ekki alltaf grein fyrir

því hversu rík við erum, að hafa náttúruna svona við bæjardyrnar.

Það væri kannski vitlegra fyrir okkur öll, að huga meira að því sem við

höfum, en vera í sífelldum eltingarleik erlendis eftir fyllingu fyrir lífið,

þegar við höfum allt til alls hér í Eyjum, sem auk þess kostar nánast

ekkert.

 

 

     

    

Athugasemdir

[Guðjón H Finnbogason, 11.3.2008 kl. 23:29]

Eingin veit hvað átt hefur fyrr en misst hefur

[G Antonia, 12.3.2008 kl. 01:17]

Alveg rétt Keli minn, og muna það; "að maður þarf ekki að fara neitt til að komast eitthvað" :-)

knús og kvitt *

[Ásthildur Cesil Þórðardóttir, 12.3.2008 kl. 12:50]

Falleg færsla og svo sönn.