AÐ VAKNA TIL LÍFSINS.

 

Að verða fyrir 85% vergri "vakningu" í nótt þykir mér tíðindum sæta

fyrir mig.

Og hvernig lýsir nú þessi "vakning" sér hjá mér.

Jú,

síðustu tvö ár í vinnunni hafa verið mér mjög erfið þannig,

að ég kvíði fyrir og er vansæll, þegar vinna hefst og oftar en ekki

slæmur í maganum vegna kvíða.

Martröð og áhyggjur þá viku, sem ég ekki er að vinna eru fylgifiskar,

sem fylgja mér eins og skugginn og hafa eitrað mitt líf.

Þunglyndi hefur á mig herjað og hefi ég verið frá vinnu vikum

saman vegna þess.

Fráfall konu minnar í sumar var og er það erfiðasta, sem ég hefi gengið

í gegn um.

Og til að bæta gráu ofaná svart flúði ég á náðir Bakkusar.

Tvisvar í sumar hefi ég leitað mér hjálpar á sjúkrahúsinu Vogi

í baráttu minni við Alkahólið og afleiðingar þess.

Læknir minn hefur úrskurðað mig alls ófæran til að stunda hverskonar

vinnu næstu mánuðina.

Svar mitt og viðbrögð voru í fyrstu fálmkennd við öllum þessum

ósköpum, sem á mér hafa dunið undanfarið.

Nema það, að ég hefi snúið mér til "æðri máttar" og sé hann fyrir mér,

sem Guð, sem í barnæsku minni var með sítt hár og skegg, silfurgrátt.

Til hans hefi ég beðið um þrek og hjálp í mínum vanmætti og í

morgunn vaknaði ég snemma, aldrei slíku vant.

Og þið skuluð trúa því, að ég var uppfullur af óskiljanlegu þreki

og bjartsýni á lífið.

Þannig, að nú hefi ég blásið til sóknar og er sannfærður um það,

að Guð minn hefur verið hér að verki og hans leiðsögn ætla ég að

fylgja.

 

Eins og vinsælt er, að segja í fótboltanum;

 

"sókn er besta vörnin."

 

 

 

 

 

 

 

 

 

85% af vergri landsframleiðslu

TÝNDU SYNIR EYJANNA.

 

 

Á þessari síðu sjáum við þrjá þingmenn einn af

 

þeim er ráðherra, Jóhanna Sigurðardóttir, sem

svo sannarlega reynir, aðvinna fyrir launum sínum

 um

leið og hún lætur gott af sér leiða.

Hinir tveir eru óbreyttir þingmenn, Árni Johnsen

og Lúðvík Bergvinsson og eins og flestir vita úr

sitthvorum stjórnmálaflokki, en þeir halda um stjórnvölinn á þingi

ásamt fleirum.

Fleira er þeim kumpánum sameiginlegt en það, að vera í meirihluta á

þingi.

Þeir eru báðir þingmenn Suðurkjördæmis og einnig það, að vera

fæddir og uppaldir í Vestmannaeyjum.

Eins og áður sagði eru þeir ekki í sama stjórnmálaflokki og líka það,

að þeir fylgdu sitthvoru félagi í íþróttum.

Addi var Þórsari, en Lúlli var í Týrari, en félög þessi öttu fyrr á

árum kappi í fótbolta og öðrum greinum íþrótta á sínum tíma.

Addi átti góðu gengi að fagna í spretthlaupi, hljóp að mig minnir

100 metrana á 11/sek og þótti það  gott afrek.

Lúlli gerði garðinn frægan í meistaraflokki ÍBV í knattspyrnu.

Af þessu má sjá, að báðir voru þessir Eyjapeyjar vel gerðir til íþrótta

og við Vestmannaeyingar vorum stoltir af þeim.

Nú hafa þessir tveir sveinar Eyjanna haslað sér leikvöll á öðrum

stað,  sem er alþingi Íslendinga.

Og hvað má sjá til þessarra sona okkar Eyjamanna, sem við vorum

svo stoltir af.

Jú,

annar vill að við förum að nota færeyskar krónur, en allir gera sér grein

 fyrir að slíkt er kjánaskapur, sem ekkert vit er  með allri virðingu fyrir

Færeyingum og færeyskum gjaldmiðli.

Hinn Eyjakappinn gerir enn betur í vitleysunni og strákapörunum

og segir;

ekki benda á mig, þegar rædd eru grafalvarleg mál á þingi.

Það er ekki hægt annað, en velta því fyrir sér

hvað í ósköpunum fyrrum keppnismennirnir góðu frá Eyjum, Addi og

Lúlli  gera þarna á þingi,

annað en hirða launin sín?

Aðstoð vegna erfiðleika að skýrast

BYLTINGAR ERU EKKI GERÐAR, ÞÆR VERÐA.

 

Hér sjáum við tvo menn hvor á sínu sviði.

Nýkjörinn forseti ASÍ og svo alþingismann.

Í Fréttablaðinu í dag segir ASÍ formaðurinn:

Lundarfarið er mesta auðlindin.

Satt er það hjá honum Gylfa létt lund gerir kraftaverk, en hún er létt í

vasa.

Forvitni mín er sú, að fá að vita einmitt núna

hvernig í ósköpunum fólk, sem er að missa vinnu sína, verðbólga

á uppleið og sennilega á eftir að verða ennþá hærri , sem

 leiðir svo af sér hærra vöruverð og þjónustu. 

 

Hækkun lána, sem vel flestir landsmenn þurfa að borga af

hvort sem lánin eru í Íslenskum krónum, eða einhverskonar

 myntkörfulán og til að bæta gráu ofaná svart er sparnaður margra

fokinn út í veður og vind.

Gylfi formaður, hvað á þetta fólk að gera?

 

 

Pétur Blöndal  var í þættinum " MANNAMÁL" í gærkvöldi

og þar fullyrti hann að allar, eða mest af okkar skuldum myndu

barasta gufa upp.

Þetta er bjartsýni sem segir sex og annað hvort er maðurinn

svona bjartsýnn, eða eins og hinir félagar hans á þingi

kolruglaður.

Hvatning er góð, en hún þarf að styðjast við

staðreyndir, en ekki reynt,

að slá ryki í augu okkar landsmanna.

Krafan á að vera sú,

að við fáum að velja í kosningum nýja aðila til uppbyggingar

í landinu.

Gefum þeim frí, sem komu okkur út í

ófærðina. 

 

 

 

  

Hvatning er ekki nóg

HINN MIKLI VANDI ÞJÓÐARINNAR ?

 

 

Athyglisverð grein birtist í sumar eftir framkvæmdastjóra

Vinnslustöðvarinnar hann Brynjar Kristgeirsson.

Ég leyfi mér að setja hér inn síðustu setningar úr grein hans

og eiga þær svo sannarlega vel við í dag:

 

En sem fyrr eru það sömu gömlu gildin sem gilda.

Þau eru einföld.

Verðmætin detta ekki af himnum ofan.

Þeirra er aflað með dugnaði, útsjónarsemi og sparsemi.

Verðmætin verða enn um sinn sótt í

"gamla hagkerfið,"

sjávarútveg,

iðnað og arðsama þjónustu.(tilvísun lokið)

 

Því segi ég það,

að borga ný ráðnum bankastjórum við bankana "okkar"

laun á mánuði,

sem svarar árslaunum fiskverkunarkonu

er alveg út í hött.

Þá sjaldan að ég er sammála Guðna Ágústsyni,

þegar hann segir Jóhönnu félagsmálaráðherra og viðskipta

ráðherrann hann Björgvin

 

tala um allt of há laun hjá þessum nýráðnu

stjórum sé einungis sýndarmennska,

þá tek ég heilshugar undir það.

Því ef einhver vilji væri fyrir hendi

ættu ráðherrum að vera það í lófa lagið,

að breyta þessu !

 

 

 

 

 

 

Mistök að færa Kaupþing ekki úr landi

ÓSTJÓRN EÐA ÓLÁN ?

 

Ágætis maður sagði það fyrir löngu síðan,

að ólán væri ekki það að hafa hlotið eina talentu,

heldur hitt,

að hafa ekki kunnað með hana að fara.

Sá ágæti maður Björgólfur Guðmundsson segir í viðtali, sem satt er,

að eftir slæmt fyllerí komi slæmir timburmenn.

Staðreyndin er sú, að þeir sem lengi hafa  kljáðst við

Bakkus þekkja þessa ókosti við langvarandi fyllerí.

 

En við alkahólistar eigum leið út úr vanda okkar og eru það

reynslusporin tólf og gætu þau nú kannski komið þjóðinni til

hjálpar í þessu okkar miklu

 óstjórn og dúndrandi fjármálafylleríi.

Fyrsta sporið hljóðar svo:

Við viðurkenndum vanmátt okkar gegn áfengi (óstjórn)

og að okkur var orðið um megn

 að stjórna eigin lífi (lífi þjóðarinnar).

Niðurstaðan er því sú, að núverandi stjórn í landinu

ætti skilyrðislaust að viðurkenna fyrsta sporið

og fara svo í langa og stranga "meðferð".

 

 

 

  

Krónan stærsta vandamálið

KOSNINGAR TIL HVERS ?

Að sjálfsögðu verður ekki boðað til kosninga núna.

Vitað er, að Sjálftökuflokkurinn myndi tapa miklu fylgi

ef kosið yrði núna.

Geir er ekki svo vitlaus, að hann geri sér það ekki ljóst.

Til að lappa upp á ásjónu flokksins hélt maður, að hinir

yngri og kraftmeiri á þeim bæ létu ljós sitt skína.

Einn þeirra Sigurður Kári, sem Sjálftökuflokkurinn hefur bundið miklar

vonir við, sem einn af burðarásum "flokksins" hefur jú lagt

það til sjálfsagt til að létta lund landsmanna og hrinda frá landsmönnum

áhyggjum af kreppunni,  að bjór og léttvín skuli selt í öllum

kjörbúðum landsins og auk þess, að leyfðar verð

hömlulausar áfengisauglýsingar í fjölmiðlum landsins.

Metnaðarfullur þingmaður hann Sigurður Kári Kristjánsson og

 tillögur hans fyrir nýtt Ísland !

Ekki rétt að boða til kosninga

FINNST FÓLKI EKKI KOMIÐ NÓG ?

 

Þeir sem eitthvað vilja sjá gera sér grein fyrir

að ástand það, sem skapast hefur síðustu

vikurnar er að stórum hluta komið frá þeim

Dabba og Dóra.  Jú,  þeir færðu ævintýramönnunum banka landsmanna

á silfurfati og það á spottprís. Það má með sanni segja,  að byrjunin hafi

 verið,  þegar þessir karlar gáfu einkavinum sínum eign allra

landsmanna og á ég þar við fiskimiðin.

Fleira mætti upp telja sem þessir herra menn hafa á samviskunni og

gjafmildi þeirra við vildarvini og þá sem réttu flokksskírteinin hafa.

    Eins og Landsímann,  Síldarverksmiðjur ríkisins og að ógleymdum

bönkunum.

Það er skondið, þegar framsóknarmenn og fleiri segja nú, að ekki sé

rétti tíminn að líta í baksýnisspegilinn.

   En mér er spurn, eiga þessir herramenn að fá að komast upp með

það,  að fara svona með eigur allra landsmanna?  

 

Bankastjórarnir, sem áður höfðu á hendi stjórn þeirra banka, sem

ríkið hefur  yfirtekið ganga nú út af sínum fyrri vinnustað eftir, að hafa

 fengið laun á mánuði, sem dugað hefði fyrir árslaunum fjölda

kvenna, sem

unnið hafa í fiski.  Og maður spyr sig hvort starf fiskverkunar konunnar

hafi ekki skilað umtalsvert meiri arði, en bankastjórans, sem gerði það

eitt, að spila rassinn úr buxunum og koma þjóðinni á kaldan klaka? 

Og ennþá er haldið á sömu braut þar sem

frá var horfið,  því Geir hefur ráðið vin sinn og fóstbróðir, sem

 bankastjóra og fær hann litlar tvær milljónir í laun á mánuði s.s. árslaun

fiskverkakonu í dag.

Maður spyr sig og auðvitað alla aðra í þessu þjóðfélagi, hversu lengi

ætlum við, að sitja og horfa upp á þessa svokölluðu ráðamenn okkar

gera okkur  að fíflum?

Allavega finnst mér kominn tími á það, að þessum liði sé gefið frí.

   

 

 

 

Stjórnmálin biðu hnekki

HANA NÚ.

 

Er tími frjálshyggjunnar  með Sjálfstæðisflokkinn

í broddi fylkingar liðinn?

Hér  er nýtt Flokksmerki fyrir þá, sem ennþá

eru fylgjandi Flokknum og viðurkenna ekki

 að dagar hans séu taldir.

 

Flokkurinn,

sem dregið hefur okkur út í foræði skulda og gert þegnana að

"stafkörlum"

á sér engar málsbætur og því segi ég eins og skáldið:

og eitt sinn skal það skrímsli,

er blóð vort sýgur,

að velli lagt.

 

 

 

 

 

 

 

Er tími frjálshyggjunnar liðinn?

AÐ HVERFA TIL FORTÍÐAR.

 

Kannski er nú komið að þeim tímamótum,

að við Íslendingar leitum til upprunans, þ.e.a.s.

förum að prjóna og tína fjallagrös.

Lengi hefur vissum stjórnmálaflokki verið núið það um nasir

og gert að honum grín,

að það eina, sem þeir leggðu til landsmálanna

væri það að við hyrfum til fortíðar.

Nú virðist svo komið og kannski var það ekki svo vitlaust

hjá þeim allavega eins og staðan er í dag.

Ullarpeysur, sokkar vettlingar og húfur gætu orðið stór

útvegur hjá okkur.

Sjálfsagt þyrfti að koma á námskeiðum í að prjóna þar

sem færri en fleiri kunna  þá list.

Eitthvað er um að fjallagrös séu tínd og notuð í ýmsan hátt,

en sjálfsaft má betur gera í þeim efnum.

Nú er bara að hefjast handa.

 

Dorrit bjartsýn á framtíðina

GLÍMAN ER RÉTT AÐ HEFJAST.

 

Jæja frú utanríkisráðherra

er nú ekki kominn tím til þess,

að einhenda sér í það,

sem ef til vill er meira virði fyrir þjóð okkar á þessari stundu, en

sætu í öryggisráði SÞ.

Það er að vera hér heima og taka þátt í baráttu okkar

fyrir sjálfstrausti og úrræðum á þeim verkefnum sem við

glímum við í dag.

Ísland náði ekki kjöri