AÐ VERA LANG- BESTI FLOKKURINN.

 

 

 

Jæja,

 nú eru bæjarstjórnarkosningarnar að baki og eftir því sem manni skilst

af formönnum flokkanna,  þá eru bara allir sigurvegarar og í sjáfum sé litlu við það

að bæta hjá þeim.

Frá mínum sjónarhóli,  sýnist mér fólk vera hvað helst að senda vinstra settinu

gula spjaldið.

Krafan er auðvitað sú frá fólkinu, 

 að þrátt fyrir að félagi Steingrímur tönnlist sí og æ á hruninu og hvað allt sé erfitt

hjá honum með það sem þau fengu upp í fangið frá íhaldinu og framsókn, 

 þá er það ekki lengur marktæk

afsökun hjá skötuhjúum stjórnarinnar,

að björgunin sé handan hornsins,

 því  fókið barasta trúir því ekki lengur.

 

Þar af  leiðir, 

  hefur flótti brostið á í liði vinstri manna og þeir eru svo sannarlega

taparar í þessum kosningum.

 

Hérna í Eyjum halda sjálfstæðismenn  meirihluta sínum og geta nánast gert það sem

þeim sýnist og því miður hafa þeir verið sakaðir um að vera of neikvæðir gagnvart

því sem aðrir hafa lagt til málana.

 

Þess vegna er það ráð mitt til þeirra,  svo og fulltrúa V-listans,

að kynna sér  eins og þeir kalla það hjá Besta flokknum;

aðgerðaáætlun Besta flokksins:  Allskonar fyrir Reykjavík!

Til þess að festast ekki í skýjaborgum og sigurvímu, að kosningum loknum

 skora ég áfulltrúa sjálfstæðisflokksins hérna í Eyjum,  að kynna sér það sem Bf hefur 

fest á  blað,

því þá eiga þeir mikla möguleika,

 við næstu bæjarstjórnarkosningar, 

 árið 2014.

 

 

Það var góð lexían,

 sem hann Guðmundur Steingrímsson framsóknarmaður sendi formanni sínum í dag

og mætti formaður sjálfstæðisflokksins einnig af því læra.

En Guðmundur sagði Sigmund formann sinn, bæði einstrengilegan og tillitslausan,

sem væri með nefið uppi í skýjunum og í engum tengslum við fólkið í landinu,

þessvegna hefðu framsóknarmenn ekki riðið feitum hesti frá þessum kosningum. 

 

Það er einmitt þannig líka, sem ég  túlka kosningaúrslitin,

að pólitíkusarnir eru á annarri bylgjulengd  og stunda það að

vera með innantóma frasa og leiðinlegheit, sem enginn nennirað hlusta á,  eða þá að  

fólk nær engum þræði í því sem þeir eru að segja.

Það var einmitt andhverfa þessa,  sem Bf sýndi af sé í þessum kosningum,

þessvegna er hann sigurvegarinn.