ÁFRAM ÍBV.

 

 

 

ÍBV,

til hamingju með góðan sigur í Grindavík.

Það verður að segjast eins og er,  að ég hefi nokkra samúð með Grindavíkurliðinu,

að þurfa að tapa leiknum,  en svona er það,

" enginn er annars bróðir í leik".

 

Næsti leikur verður við Fylkir hérna heima á sunnudaginn og það þykir mér

ansi leitt,  að ég er að fara í tveggja mánaða frí til dóttur minnar,  sem býr í

Svíþjóð,  þannig að ég verð fjarri góðu gamni í boltanum lungað úr sumrinu.

Enginn Keli á Hásteinsvelli  með sín köll, áfram ÍBV.

ÍBV fánann ætlar hann frændi minn,Björn Ívar Karlsson að veifa  á hverjum

heimaleik fyrir mig og kannski kemst hann á bragðið með að hrópa einnig,

áfram ÍBV,  hver veit!

 

Á þennan hátt verð ég með ÍBV-liðinu í anda hvern einasta leik og mun biðja hátt og í

hljóði fyrir þeirra velgengni í allt sumar.

 

Sárabót er það að nú er að hefjast heimsmeistaramótið í fótboltanum og sennilega

verð ég eins duglegur og þegar síðasta móti stóð árið 2006,  þegar ég horfði á alla leiki

mótsins beint,  að undanskildum tveimur leikjum.

 

Reyndar er maður ekki svo fjarlægur því sem er að gerast eins og í íslenska

fótboltanum, því fréttir og lýsing er á mbl.is þannig að maður getur vel verið með á

nótunum.

 

En, 

ekkert kemur samt í staðinn fyrir það,  að standa við Hásteinsvöllinn og

veifa ÍBV-fánanum og hrópa,

áfram ÍBV, áfram ÍBV, áfram ÍBV. 

 

 

Eyjamenn of sterkir fyrir Grindavík